China feria libro Cuba 300x200

La Internacia Librofoiro: Kultura evento konsiderita la plej signifa por la kuba eldona movado. Ĝi ekokazis 1982, laŭ dujara ciklo, kaj ekde la jaro 2000 ĝi efektiviĝas ĉiujare en la Fortikaĵo San Carlos de la Cabaña, en Havano, ĝia konstanta foirejo, dediĉita ĉiam al aliaj kuba verkisto kaj honora gastolando. Ĉi tiu foiro etendiĝas ankaŭ al la ceteraj provincoj de la lando, pro kio ĝi estas ankaŭ konata kiel Internacia Librofoiro de Kubo. El: Ecured.
Alberto F. Calienes

La ambasadoro de Kubo en Ĉinio, Miguel Ángel Ramírez, kaj la ĉina viceministro Wu Shangzhi koincidis pri tio, ke dum la 27-a Internacia Librofoiro de Havano, kreskos la duflankaj kulturaj ligoj, oni raportis en Pekino.

Laŭ la diplomatia reprezentejo de la kariba lando, Ramírez estis akceptita de Wu ĉe la Ŝtata Administrejo por Gazetaro, Eldonado, Radio, Kino kaj Televido.
Ambaŭ funkciuloj interŝanĝis pri la partopreno de la azia giganto en la menciita literatura evento, okazonta de la 1-a ĝis la 11-a de februaro 2018, dum kiu Ĉinio estos la honora gastolando.
En la delegitaro akompaninta la diplomaton, partoprenis vicprezidanto de la Kuba Libroinstituto (ICL), s-ro Juan Carlos Santana, kaj direktorino pri Internaciaj Rilatoj de tiu instituto, s-rino Yailan Rodríguez, kiuj ankaŭ dialogis pri la bonegaj politikaj kaj kulturaj rilatoj ekzistantaj inter la du popoloj.
Ili ankaŭ reviziis planojn kaj daŭrigis la laborojn rilate la partoprenon de Ĉinio en la venonta Librofoiro, kiu – laŭ ilia konsidero – aparte gravas por ambaŭ landoj.
Wu dankis la signifan bonvolon de la kuba parto ŝanĝi la komencdaton de la foiro, kiu koincidis kun la festoj de la ĉina luna kalendaro, kio ebligos pli grandan partoprenon de verkistoj kaj eldonejoj de la azia lando en la antila nacio.
La kuba ambasadoro aŭguris sukceson al la foiro kiu, laŭ lia juĝo, permesos pligrandigi ne nur la konojn pri la ĉina literaturo, sed ankaŭ pri aliaj kulturaj manifestiĝoj de la miljara nacio.
Ambaŭ partoj reliefigis la profundajn historiajn kaj kulturajn radikojn, kiuj karakterizas la duflankajn interligojn, nuntempe en bonega stato, laŭ raporto de la kuba ambasadejo.
Kubaj fakuloj asertas, ke la ĉina kulturo havas grandan nacian valoron kaj oni konsideras ĝin grava komponanto de la kubeco, pro la spuroj postlasitaj de la enmigrintoj, kiuj alvenis al Havano el tiu orienta teritorio ekde la 19-a ĝis komence de la 20-a jarcento. / Fonto: PL/mm.

     
    1logo uea
     
     2logo tejo
     
     3logo ilei

 

Sociaj retoj

joomla share module