la kreditoTeatro VERDA BANANO

Prezentas
la teatraĵon La Kredito, de Jordi Galcerán.

“Unuavide banala historio. Al banko venas kliento, kiu petas krediton. Tamen li ne havas ajnan garantiaĵon. Kiam la direktoro de la banko rifuzas doni al li la krediton, la kliento elpensas nekutiman formon de ĉantaĝo. Temas pri virino, sed por scii pli, vi devas mem viziti la spektaklon”.
La kredito estas inteligenta teatraĵo kun viglaj dialogoj kaj turnopunktoj aperas de la komenco ĝis la lasta sceno.
Unu el la aktoroj ludinta en la hispanlingva versio diris: “Se ni farus paŭzon ĉiufoje kiam la publiko ridis, ni neniam finus la spektaklon”.
La Kredito verkita en 2013, de fama hispana dramverkisto Jordi Galcerán, estis prezentita en Hispanio, Argentino, Grekio, Meksiko, Panamo, Finnlando, Peruo, Germanio, Aŭstrio, Ĉilio, Hungario, Italio kaj Pollando.


Traduko: Georgo Handzlik kun helpo de Rubi Birden
Reĝisoris: Kuba Abrahamowicz
Aktoras:
Sasa Pilipovic – Antonio
Georgo Handzlik – Direktoro

Georgo Handzlik (Pollando). La Bardo sen barbo, E-instruisto, poeto, kantisto, aŭtoro de kantoj, aforismoj kaj dramoj, koncertis en 26 landoj. Propran monodramon Ludoviko-Lazaro, preparitan por la Bjalistoka UK en 2009, mem aktoris 27-foje en 15 landoj, verŝajne rekorde en la historio de la Movado.
Sasa Pilipović (Serbio). Profesia aktoro en la plej malnova serba teatro en Kragujevac. Li laboris kiel parolisto en la Esperanto-elsendoj de Radio Zagreb, aktoris Esperante dum UK-oj en Havano, Montpeliero, Zagrebo, Fortalezo, Goteborgo, Vilno, Jokohamo, Roterdamo, Kopenhago, Hanojo, Bjalistoko, Rejkjaviko kaj Nitro. Fondinto de “Shelter sceno” kaj “Societo Espero Kragujevac”. Li festas 30-jariĝon de sia unua E-teatraĵo kiam li ludis “Vivo de insektoj” kun Studenta Esperanta Teatro en Krakovo dum IJK en 1987.

 banner 800x600
     
     
1logo uea  2logo tejo  3logo ilei
     
     

Sociaj retoj

joomla share module